E-TAMAZIGHT

Conte Auressien:Tanfust n u8ul d teqeyyart

 

Conte Auressien:

Tanfust n u8ul d teqeyyart (Source: forum_monde_berbere)


vocab intra-chawi:
senat =sent
sin=sen
a8ul=l8ul
tijerret=ljerret
afuci=lfuci
aznad=zznad
snat n tesmantin  =sant n smanat


vocab chawi-kabyle:
necc'=nekk'
cem=kem
adecca=azekka
ca=ara
xesen=b8an
ucett=efkatt
taqli3t=taddart
jar-asen=gar-asen
==================

Ta-nfust n u8ul d' teqeyyart

Ruhen  iseyyaden s i8ial nsen 8er temurt n ssyadt. Di  xeleden din  llefen i8ial nsen rett3en, net'ni ttsayaden al lme8reb ue ad dd rewwehen 8er umkan nsen.

Ass idin argaz si-sen yeggur, yeufa tijerret n u8ul di-s 3 n ldaren, yedefer it. Yeggur, yeuf it mani yebezed.

yekker yemmedran dd, yeruh  8er is3ifen nes, yenna asen :
-Necc' ufi8  tijerret n u8ul. Ayyatt a-t nelheq
Nnan as :
-araha. necc'ni ur-t nelehheq ca, necc'ni ur-s nezemmer.
Yenna-asen :
-Ucett ay  senat n tesmantin  . Ma rewwehe8 dd, ata-idin ; ma ur dd rewwehe8 ca awitt a8iul inu s ssyadt.

Adecca idin yeuyir, yedhefer as tijerret i' u8ul idin. Yeuyir 4 n ussan, netta yeggur annak yeufa ifri, yeudef-it. Yeufa taqiyyart di-s,
tenna-as :
– Matta a-c dd yeuwwin dagi, ekker si-agi ni8 a-c yecc’ u8ul .
Yenna-as :
– Cem amek lqesset nem, mamek icem dd-yewwi dagi ?
Tenna as :
– Assa 3 n ussan si y-dd-yewwi, necc' lli8 taslit n memmis n 3emmi, di'iidh-in yewwi-ay-dd u8ul. A necc qqime8 di' ifri, yettawi-ay-dd lmakelt, qqime8 ur-y-yen8i.
Yenna-as:
– Manis i-dd yettadef di ad dd yerewweh ?
Tenna-as :
– Win d abrid nes.

Yeudef ammas n ifri, ye3emmer afuci nes, yeqqim as. yetwaga lme8reb annak yexeled dd u8ul. yerefed aznad, yeut'it , yeu8'it jar n tittawin annak yersa. yerya dd 8ar-es, yeufa yewwi dd sin n irgazen a-ten yessum ue a-ten yecc’. Yensa netta d temettut idin di' ifri idin.

Adecca idin, dhellen sserayen di' uzref yettefferen, refeden amm yezemeren, uyeren. Ass idin wis 14, xeleden 8er umkan n is3ifen nes, yeufi ten trajan. Yenna-asen :
–  ayatt an neruh  8er ifri.

Xeleden bdun reffeden di sslah d' lqecc, 3ebban  i8ial nsen,  kkeren ad rewwehen 8er taqli3t nsen.

Net'ni xeleden  ammas n ubrid, xsen a-s kkesen tamettut i urgaz idin. yenna  asen: araha. nnu8en di'ubrid. yessiwel lbarud jar-asen. Yen8' iten.

Netta d' temettut uyeren wehhed-sen, aldi xeleden
taqli3t nsen, recelen

.


01/02/2008
0 Poster un commentaire

A découvrir aussi


Inscrivez-vous au blog

Soyez prévenu par email des prochaines mises à jour

Rejoignez les 2 autres membres